Rreth Nesh
Neurologjia është specialitet mjekësor që ka të bëjë me çrregullime të sistemit nervor. Neurologjia merret me diagnostikimin dhe trajtimin e të gjitha kategorive të sëmundjeve që përfshijnë sistemin nervor qendror dhe ate periferik; ky i fundit ndahet ne sistemin nervor autonom dhe sistemin nervor somatik. Neurologu në Shërbimin e Neurologjisë në QSUNT është një mjek i specializuar në Neurologji, i trajnuar për të diagnostikuar dhe trajtuar çrregullime neurologjike.
Shërbimi i Neurologjisë në Shqipëri, është formuar në vitet 50’ ndën drejtimin e Profesor Prezës dhe ekipit të mjekëve te njohur neurologë: Prof. Baboçi, Prof. Kuqo, etj.
Deri në vitin 1992 emërtimi ishte: Klinika e Neurologjisë si pjesë e spitalit NeuroPsikiatrik nr 5. Më pas Klinika e Neurologjisë ishte pjesë e QSU “Nënë Tereza” dhe nga viti 2000 emërtimi ndryshoi në Shërbimi i Neurologjisë, gjithnjë pjesë e QSU “Nënë Tereza”. Klinikën e ka drejtuar Prof. Petrela dhe nga viti 1996 Klinikën e më pas Shërbimin e Neurologjisë e drejton Prof. Kruja.
Shumë neurologë kanë trajnime shtesë në një fushë të neurologjisë të tilla si neurologjia vaskulare, neurosonologjia, epileptologjia, semundjet neuromuskulare, neurologjia e sjelljes, menaxhimi i dhimbjes, neurofiziologjia dhe trajtimi i çrregullimeve të lëvizjes. Gjatë një ekzaminimi neurologjik, neurologu shqyrton historinë shëndetësore të pacientit, teston statusin mendor, funksionin e nervave të kokës, forcën, koordinimin, reflekset dhe ndjesinë. Ky informacion ndihmon neurologun të përcaktojë nëse problemi ekziston në sistemin nervor dhe, nëse po, ta lokalizojë atë. Lokalizimi i patologjisë është procesi kryesor me të cilin neurologët zhvillojnë diagnozën diferenciale. Analiza të mëtejshme mund të jenë të nevojshme për të konfirmuar diagnozën dhe udhëhequr terapinë dhe menaxhimin e duhur.
Testet që përdoren zakonisht në neurologji përfshijnë studime të imazhit të tilla si tomografia aksiale (CT), rezonanca magnetike (MRI), angiografia, elektroencefalografia (EEG), elektromiografia (EMG), ekzaminimi i lëngut cerebrospinal.
Shërbimet e Ofruara
Patologjitë që trajton Shërbimi i Neurologjisë në QSUNT:
- Dhimbjet e kokës (Migrena, Dhimbjet tensive të kokës, dhimbjet cluster etj)
- Demencat (Alzheimer, demenca vaskulare etj)
- Sëmundjet cerebrovaskulare (Aksidentet cerebrovaskulare ishemike, hemoragjike etj)
- Epilepsitë
- Crregullimet e lëvizjes extrapiramidale (Sëmundja e Parkinson, Sëmundja e Huntington etj)
- Sëmundjet demielinizante (Skleroza Multiple etj)
- Sëmundjet neuromuskulare (Miastenia Gravis etj)
- Sëmundjet e sistemit nervor periferik (polineuropatitë, poliradikuloneuritet, dhimbjet radikulare)
- Sëmundjet e enëve të gjakut të trurit
- Komplikacione neurologjike të sëmundjeve sistemike
Ekzaminimi neurologjik:
- Historia shëndetësore e pacientit
- Testim i statusit mendor
- Funksioni i nervave të kokës
- Funksioni i nervave periferike
- Forca muskulare
- Koordinimi
- Ecja
- Reflekset
- Ndjeshmëria
Testet diagnostike që përdoren me shpesh në neurologji:
- Tomografia aksiale (CT)
- Rezonanca Magnetike (MRI)
- Angiografia
- Elektroencefalografia (EEG)
- Elektromiografia dhe Studimi I konduksionit nervor (EMG, ENG)
- Ekzaminimi i lëngut cerebrospinal.
Shërbimi ambulator
Konsultat ambulatore kryhen çdo ditë duke filluar në orën 09:00.
| Ditët | Mjeku | |
|
Punkti i Sëmundjeve Vaskulare |
E Hënë |
|
|
Punkti i Sëmundjeve Demielinizante |
E Martë |
|
|
Punkti i Sëmundjeve Neuromuskulare |
E Mërkurë |
|
|
Punkti i Epilepsive |
E Enjte |
|
|
Punkti i Dhimbjeve të Kokes |
|
|
|
Punkti i Demencave |
E Premte |
|
|
Punkti i Sëmundjeve Ekstrapiramidale |
|
Gjej shërbimin në hartë:
