Rreth Nesh
Radiologjia është shkenca që perdor rrrezet X apo rrreze të tjera me energji të lartë për qëllime diagnostike dhe trajtuese. Me zbulimin e përdorimit mjekësor të ultratingujve , fushave manjetike dhe radio-izotopeve shkenca e radiolgjisë e zgjeroi shumë fushën e vet të veprimit dhe sot ajo njihet me termin Imazheri.
Rrezet X u zbuluan ne 8 Nëntor të vitit 1895 nga Gjermani Wilhel Rontgen, i cili shumë shpejt vuri re se ky rrezatim mund të përdorej për qëllime mjekësore . U deshën disa vite dhe puna e shumë shkencëtareve të tjerë të kohës që rreth një shekull më parë radiologjia dagnortiek të hidhte hapat e parë. Në Shqipëri shërbimi i radiologjisë u ngrit në 1932 si pjesë e Spitalit civil të kohës (aty ku sot është QSUNT) dhe kreu si funksion klinik ashtu edhe shkencor, pasi në po të njëjtën kohë u themelua dhe Instituti i Radiologjisë i cili u drejtua gjithashtu nga mjeku Ismail Tartari , për kohën kur instituti ishte më i miri në ballkan. Dr.Tartari mbajti dhe fjalën e hapjes se Spitalit civil ku u shpreh se “pa zhvillim të radiologjisë nuk mund të ketë zhvillim të mjekë”sisë në Shqiperi”, thënie që është e vleshme dhe në ditët tona.
Në ditët tona shërbimi universitar i imazherisë është pjesë e Qendrës Spitalore Universitare “Nënë Tereza” dhe Universitetit të Mjeksësisë.
Shërbimi i Imazherisë dhe Mjeksisë Nukleare përfaqëson qendrën më të madhe diagnostikuese në vend, e cila ofron një gamë të gjërë shërbimesh klinike për pacientët dhe njëkohësisht strukura kryesore në edukimin universitar dhe pasuniversitar, pranë Universitetit të Mjekësisë.
Shërbimi i Imazherisë dhe Mjeksisë Nukleare është një degë e Mjeksisë e cila merret me prodhimin dhe interpretimin e imazheve mjekësore me qëllim diagnostikimin e problemeve të ndryshme shëndetësore. Për këtë qëllim përdoren metoda diagnostikuese si ato të Radiografisë, Fluoroskopisë, CT_Scan, Rezonancë Magnetike, Ultratinguj dhe Shintigrafi të ndryshme. Këto modalitete janë të perfshira në njesinë kryesore të Imazherisë pranë Urgjencave Polivalente, si edhe në njësitë imazherike të neurologjisë, pediatrisë, onkologjisë, infektivit, dhe mjeksisë bërthamore. Krahas Imazherisë Diagnostikuese vitet e fundit ka marrë një rol të rëndësishëm Radiologjia Intervencionuese. Këto shërbime i ofrohen pacientëve të shtruar pranë QSUNT-së si edhe pacientëve ambulatorë qe vijnë nëpërmjet sistemit të referimit.
Misioni ynë
Shërbimi Universitar i Imazherisë është i angazhuar në ofrimin e imazheve diagnostikuese të një cilësie të lartë dhe interpretimin sa më të saktë të tyre. Qëllimi ynë është t’i trajtojmë pacientët me empati dhe mirëkuptim dhe referuesit tanë me respekt dhe profesionalizëm.
Ne synojmë të jemi lider në përqafimin e teknologjisë dhe teknikave të avancuara dhe gjithmonë vendosim në vend të parë interesin e pacientit. Kjo përfshin analiza të besueshme, ekselencë, përkujdes dhe përkushtim.