Shërbimi Psikosocial në Qendrën Spitalore Universitare “Nënë Tereza” përbëhet nga psikologë dhe punonjës socialë që trajtojnë problematikat psikologjike dhe sociale të pacientëve të hospitalizuar dhe famijarëve të tyre. Roli i psikologut/punonjësit social në QSUNT, ka si qëllim primar shëndetin mendor të pacientit si pjesë e pandashme e mirëqenies së tij fizike.
Çdo pacient, në të gjitha shërbimet spitalore adulte dhe pediatrike, ka të drejtën të kërkojë shërbimin psikologjik dhe social në pavionin ku është i hospitalizuar.
Roli i Psikologut
• Psikologu pas vlerësimit të gjëndjes emocionale të pacientit, vijon me trajtimin psikologjik. Vlerëson faktorët ndikues, situatat që kanë influencuar dhe influencojnë gjëndjen emocionale të pacientit. Evidenton aspektet pozitive, pikat e forta , nevojat , shqetësimet etj.
• Psikologu siguron mbështetje dhe ndihmon pacientin apo dhe antarët e familjes të kuptojnë dhe përballojnë sëmundjen.
• Psikologu ndihmon pacientët me nivel stresi/ankthi ta menaxhojnë në mënyrë efektive.
• Psikologu fokusohet tek sëmundja dhe disfunksioni që sjell mbi jetën e pacientit, dhe ka si qëllim të zvogëlojë ankthin psikologjik për të promovuar mirëqënie psikologjike gjatë hospitalizimit dhe në vazhdim.
• Psikologu fokusohet tek faktorët socialë të sjelljes të cilët ndikojnë tek shëndeti mendorë dhe sëmundja.
• Psikologu bashkëpunon me kolegët dhe safin multidisiplinar në ndihmë të pacientit.
Psikologu kryen në bazë të vlerësimit psikologjik:
Këshillim.
Psikoedukim
Vlerësim psikologjik
Mbështetje psikologjike të pacientit dhe familjarit.
Trajtim të shprehive
Ndërhyrje në raste krizash
Psikodiagnostikim
Psikoterapi etj.
Roli i punonjësit social
• Punonjësi social kryen vlerësimin e përgjithshëm social të pacientit ku përfshihet:
o Vlerësimi i nevojave sociale qoftë në planin individual apo atë familjarë
o Vlerësim i gjendjes së përgjithshme fizike
o Vlerëson profesionalisht problematikën sociale për të cilën është paraqitur pacienti dhe ndërhyn për zgjidhje.
• Kryen ndërlidhjen me institucione të tjera duke përfaqësuar pacientin e hospitalizuar për të lehtësuar zgjidhjen e problematikës së tij.
• I vjen në ndihmë familjarëve të pacientit për të kuptuar situatën dhe problematikën sociale.
• Punonjësi social i vjen në ndihmë pacientëve të abandonuar apo në nevojë për strehimin dhe problematikave të tjera.